Kakokon kateunet Police kole tetei chelesoshekab Al-Shabab kosuldae kabokchinoshek eng komaswek cheterter chebo emet.

Kakokon kateunet Police kole tetei chelesoshekab Al-Shabab kosuldae kabokchinoshek eng komaswek cheterter chebo emet.

Eng logoiyot nekakiyokchi koriikab kabarastaet,komwa Inspector General nebo Police Joseph Boinnet kole iboru logoiywekab segeishet kole tetei chelesoshekchoto kosuldae kabokchinoshek eng County nebo Mandera, Wajir, Garrissa ak komasta nebo Pwani.

Kamwa Boinnet kole komaswek chetetei chelesoshekchoto kobokchi ko komaswek cheloeen chemitei kiwato nebo emoni ak Somalia.

Akot kou noto komwa Boinnet kole chobotin ofisaekab police koterter kabokchinoshek alak tugul chetetei kosuldae chelesoshekab Al-Shabab eng emet.

Kamwa Boinnet kole kakekanapta chikilishet ak ripset eng emet asi kekirinda kabokchinoshek alak tugul.

Kaikoito kateunet Boinnet eng biik chetinyei tiliandi ak chelesoshekab Al-Shabab anan ko biik chepoisie eng kipagenge ak chelesoshekchoto kole kiipchini kakwoutik chekimen.

Kabit nito eng kasarta nekoibet sobonwekwai ofisaek 5 chebo police yekongotiech karit nekobunei icheget bomit nekokibolchi ingony eng komasta nebo Liboi eng betutab amut ole kaibor kaimetabgei Boinnet kotinygei ak meoshekchoto eng mwaet kole maimunyi Police akoi kiterter chelesoshekchoto.