Vetting of procurement officers’ suspened until Wednesday

Tetat kotestai akoi betutab kosomok kazi nebo wikini ngotutyet nekokon kapkirwok kole komatkoistogei eng poishonikwai ofisaek chetononchini aletab tuguk anan procurement officers ak chenomu legut anan accounting officers

Kawo kapkirwok Solicitor-General Kennedy Ogeto ak Principal Secretary eng Ministry nebo ribetab kalyet eng emet orit Karanja Kibicho komochei keisto ngotutionotok kokon kapkirwok eng wikit nekosirtoi kobate kaesho kirwokindet nebo kapkirwok nebo Employment and Labour Relations Court Onesmus Makau

Kamwochi kapkirwok Ogeto ak Kibicho kole makoi isulda boryet neketokchini nametab asoya eng kebeberwek cheterter chebo serkali angot komakiisto ngotutionotok kokon kapkirwok asikomuch kotestai chigilishonotok

Kongat serkali ofisaechatak tononchini aletab tuguk ak nomunetab rabinik eng departments cheterter chebo serkali koistogei asikeyochi chigilishet netokchinigei keisto youtik chebo nametab asoya ak chorsetab rabinik kobate kowo kapkirwok Okiya Omtata neborchinigei imanda nebo bikab emet eng mwaet kole mo nyolu kisimchi bichotok koistogei eng poishet amu tomo kenyorchi lelutik alak tugul

Akoi inguno ko mwaat kele kokokoito logoiwek tugul chemokotin ofisaek cheitei 458 che tetat kepoishe eng chigilishonotok kosupgei ak circular nekikon Head of Public Service Joseph Kinyua