Tetat komanda President Kenyatta kotokchigei taonitab Addis Ababa

Tetat komanda President Uhuru Kenyatta kotokchigei taonitab Addis Ababa eng emetab Ethiopia eng betutab mutai Thursday ole wendi tuiyetab Intergovernmental Authority on Development (IGAD) netetat keyai eng emonoto.

Tetat kengalale eng tuiyonoto kotinygei ak kaimutik chebo ngemetab kalyet chekikotestao kobit eng emetab South Sudan.

Kongololchini siriikab logoiywek,komwa rubeiywotab ngololindetab  State House Kanze Dena kole tuiyonoto tetat koitita kandoik chebo emotinwek cheterter chemitei eng kipagengeinatak bo IGAD kotetat kengalale ole kokoit ngalalutik chebo kawegunetab kalyet eng emonoto.

Kiyoei tuiyonoto eng kasarta nekokon kasimchinet emetab America eng emotinwek chemitei eng kipagengeitab IGAD koipchi kakwoutik chekimen kandoik chebo emetab South Sudan chetinyegei ak poriet netesetai eng emonotok chekikwal maliik eng emotinwekchoto.

Eng ngalalenyi netai kongete ngoib poroinoto lel,kobarasta kora Dena kole tetat korutechi emoni chemungarainik kobun emetab America kondochini Under Secretary for International Trade Gil Kaplan.

Kosupkei ak Dena, kotetat koit emoni chemungarainikchatak eng wikit nenyonei ole tokchinigei rutoiyoto kokanapta mungaret ak bandaptai eng emet.