Kaitita Minister nebo ribetab kalyet eng emet orit Dr. Matiangi taitab committees 2 chebo bunge

Kaitita Minister nebo ribetab kalyet eng emet orit Dr. Fred Matiangi taitab committees 2 chebo bunge chekoituiyogei asikoyai chigilishet kotinygei ak sukaruk chemoititontin chekokotestai kenyor eng komaswek cheterter chebo emoni.

Kamwochi Matiangi membaekab committees ichotok kayai tuiyet nebo kipakenge kole akoi inguno ko kokenam bik 72 kotinygei ak sukaruchatak tinyei sumu chebo copper ak lead.

Akot kou notok ko kaesho Matiangi kongong kainaikab bichotok eng mwaet kole tesetai keyochini icheget chigilishet ak kou notok kotomo koit kasarta nebo kengong logoiwek tugul eng bikab emet.

Kates komwa Matiangi kole kichigili kora kompunishek cheterter che mwaat kele kiib sukaruk chetinyei sumu chebo copper ak lead kobwa emoni.

Kotomo kowong ngalalenyi Matiangi, ko kait kimanda sirikab logoiwek eng tuiyonotok yekangomwa Matiangi kole tinyei logoiwek che mochei komwochi MPs ichotok ichegei.

Kabotogei inendet ak Principal Secretary nebo Interior Dr. Karanja Kibicho ak Chief Administrative Secretary eng ministry inotok Patrick Ole Ntutu