Kakobet sobonwekwai bik 15 kosupgei ak nyosutyetab mat nekabit eng siretab Gikomba

Kakobet sobonwekwai bik 15 kosupgei ak nyosutyetab mat nekabit eng siretab Gikomba eng county nebo Nairobi eng kembout nekaekchini betutab rani.

Kamwa Regional Commissioner nebo Nairobi Kangethe Thuku kole kaibet sobonwekwai bik 9 chekomengishei eng kot 1 nemitei sironotok bo Gikomba ak kobet sobonwekwai bik 6 eng sipitalishek cheboto Kenyatta National Hospital ak Mama Lucy Hospital

Kamwa Thuku kole kanyor kakotenoshek bik alake chesirei 70 chekakilabate koba sipitali asikonyor konyoiset ole chechang eng bichotok ko kakimut koba Kenyatta National Hospital.

Katoigei mayataak eng sait 1AM nebo kemboi ole kamwa Thuku kole tesetai chigilishet asikenai kit nekaipchi kotoigei mayataak kakon asenet neo missing eng chemungarainik chebo Gikomba.

Kabit nito arawek tutikin kityo kongete ngobit nyosutyet age nebo maat nekiipchi kololyo malik chechang eng sironotok bo Gikomba.

Kamwa CEO nebo kasar eng sipitalitab KNH Dr. Thomas Mutie kole momitei ole ngoi sobonwekab bik chekanyor kakotenoshek chebo mat eng mwaet kole akoi inguno ko kakinya ak kityakta bik 28 koba gaa.