Kakotyakta kapkirwok nebo Milimani Governor nebo Busia Sospeter Ojaamong

Kakotyakta kapkirwok nebo Milimani Governor nebo Busia Sospeter Ojaamong ak kiboitinik alak 3 chebo countinoto eng cash bail nebo silling millionit agenge agetukul.

Kabiit nito kosupgei ak nekakiitita kapkirwok Ojamoong ak afisaekab county inoto bo Busia asikirwokchi kotinygei ak asoya ak poishet neya nebo ofis ole komitei kokerotin icheget eng Remand

Karutechi Ojaamong nekerat eng Cell chebo kipagengeitab EACC MP nebo Tiaty Kassait Kamket nekamwa kole nyalu kotakibwaat komie kotinygei ak ole kirwokchindoi Governors asi makingem imandangwai.

Kongololchini siriikab logoiywek eng sang nebo ofisishekab EACC,komwa Kamket kole tindoi kayanet kole kitioktoi Ojaamong eng bail asi komuch koweek gaa asi kosuldae poishonikchik.

Kirwokchini Ojaamong kotinygei ak lelutik 7 chebo ngolset ak nametab asoya.

Kokinam Ojaamong eng betutab Wednesday yekangokoitogei eng ofisishek cheechen chebo kipagengeitab Ethics and Anti- Corruption Commission ole kokitepsee kotomo kimut kwo kapkirwok asi kirwokchi.