Kakokoito kateunet nekim Ministry nebo somanet eng kipsomaninik

Kakokoito kateunet nekim Ministry nebo somanet eng kipsomaninik chetinyegei ak chemarget ak ngemetab malikab sukul kole kiipchin kokwoutik chekimen chebo kerkongiet.

Kamwa Minister nebo somanet Amb. Amina Mohammed kole kipsomaninik chekinyorchini lelutionoto ketesyin atebosiekwai cheyaach eng School Leaving Certificates chekwai.

Kongololchini siriikab logoiywek eng taonitab Nairobi,komwa Amina kole agoi inguni ko kokenam kipsomaninik 125 ak tetat kirwokchi kotinygei ak ngemetab malikab sukul ole kokobit yautikchoto eng sukulishek cheterter eng emet ole kokeker sukulishek 10.

Kosupgei ak chikilisiet nekoyai ministry nebo somanet, ko alak eng youtik chekokoyai kobit kambagoshek ak belsetab sukulishek koboto kokwoutik chekimen chekokoib serkali chetokchinigei koisto ngolset eng tiemutikab kenyini chebo KCSE ak KCPE.

Kosupkei ak noto ko kangat Amina sukulisiek tugul chekirue kotes koitet nebo konetik chemitei duty missing ko eng saishekab kemboi  asi kekirinda strike ak ngemetab maliikab sukul.

Kokeker sukulishek chesirei 10 eng komasta nebo Nyanza kosupkei ak strike nebo kipsomaninik ak belsetab sukul ole kokokon kateunet kipagengeitab DCI kole kiipchini kakwoutik chekimen kipsomaninik chetinyegei ak yautikchoto.

Tetei korutechi sukulishekchoto ofisaek kobun Ministry nebo somanet kongete betutab mutai Tuesday asi kochigil asenet nekokobit.