COURT OF APPEAL has upheld Marakwet East MP Bowen Kangogo’s election

Kakowirta kapkirwok nebo Court of Appeal eng Eldoret kirwoget anan Appeal nekoesioi lewenetab Kangogo Bowen kou MP nebo Marakwet East.

Kokonu tilenyi,komwa kapkirwokinoto kole kikilewen Bowen eng oret netagunot.

Kamwa kapkirwokinoto kole manyor baornatet age tugul neiboru kole kibut ngatutik Bowen eng lewenishetab MP nebo kebeberatak bo Marakwet East eng lewenishet neo nekosirtoi.

Kabit boiboiyet eng orit ak sang nebo kapkirwok kosupkei ak kabelishetab Bowen.

Kongololchini kasubiikchik eng sang nebo kapkirwok,kobor boiboiyet Bowen kotinygei ak tilanatak eng mwaet kole kanyor imanda.

Kamwa Bowen kole chobot eng inguni kosuldae poishonikab bandaptai eng Marakwet East kosupkei ak tilanatak bo kapkirwok.

Kaikoito kurset Bowen eng biik tugul chekoesioi lewenenyi kokonyit tilanatak ak kopois tugul eng ibunetab bandaptai eng komasta nebo Marakwet East.

Kaboibochi tilanatak akine MP nebo Moiben Silas Tiren nekamwa kole katook imanda eng kirwogetab Bowen ole kacheer inendet kokilchigei poishonikchik asi konyor kelchin mengikab komasatak.