Tesetai serkali kopoisie ak kanisoshekab emoni eng yaetab poishonik cheipchini kelchin biikab emoni

Kakomwa Deputy President William Ruto kole tesetai serkali kopoisie ak kanisoshekab emoni eng yaetab poishonik cheipchini kelchin biikab emoni.

Kongololi eng igorta nekotetei kipagengeitab Catholic Members of Parliament Spiritual Initiative (CAMPSI) eng makawet 1 eng taonitab Nairobi eng koskolingutab amut,koloos Ruto poishet neo neyoei kanisoshek eng yaetab poishonik chebo bandaptai missing ko kanaptaetab sector nebo somanet ak tililindo.

Kamwa Ruto kole kikoyai poishet neo serkali eng kasuldaetab tetutik cheibu wallet eng sobonwekab bikab emet ak kou noto kowendi serkali kopoisie ak kanisoshek asi kosulda poishonikchoto kou ole nyalu.

 

Eng komastanyi komwa kandoindetab kanisetab Catholic eng emoni Cardinal John Njue kole tesetai kanisa kopoisie ak serkali eng poishonik chebo bandaptai ole kacheer kandoik koker kole kacheng walutik kotinygei ak kaimutik chebunei biikab emet.

 

Eng komastanyi komwa MP nebo Kiminini Dr Chris Wamalwa kole nyalu eng biikab emoni kokimit saet asi kiterter kaimutik.