Kenya Power Managing Director Ken Tarus and his predecessor to be arraigned in court today

Kimongu kirwokchi eng betutab rani neki Managing Director eng kampunitab Kenya Power Dr Ben Chumo ak ofisaek alak cheechen chebo kampuninoto kotinygei ak yautik chebo nametab asoya chemwaat kele kibit eng kampuninoto.

Konam ofisaekab Directorate of Criminal Investigations (DCI) Dr Chumo eng betutab Jumamos koboto General Manager nebo Corporate Affairs Beatrice Meso, General Manager nebo Regional Coordination Peter Mwicigi ak neki General Manager nebo Supply Chain John Ombui kotinygei ak lelutionoto ole tetat kiit kapkirwok eng karonetab rani asi kirwokchi.

Eng kasaratak ko koikoitogei ofisaek alake cheechen chebo Kenya Power eng kipagengeitab DCI cheboto General Manager nebo Business Strategy Peter Mungai Kinuthia,General Manager nebo Commercial Services Joshua Mutua ak Acting General Manager nebo Finance Harun Karisa asi ketepsee.

Kokinam kora Directors 3 chebo kampunitab Muwa Trading Company Limited chemwaat kele kioldechi kampunitab Kenya Power Transformers chemaititootin kit nekiipchi kampuninoto bo Kenya Power kobeet rabinik chechang.

Tesetai kora chengsetab biik alak cheboto Managing Director nebo Kenya Power DrKen Tarus ak General Managers chebo kampuni noto cheboto Joshua Mutua, Samuel Ndirangu, Abubakar Swaleh, Stanely Mutwiri ak Benson Muriithi asi kirwokchi akichek kotinygei ak lelutikchoto.