Nyalu keyochi chikilishet nebo Lifestyle Audit kandoik tugul chesomei ngecheretab President

Kakomwa Senator nebo Baringo Gideon Moi kole nyalu keyochi chikilishet nebo Lifestyle Audit kandoik tugul chesomei ngecheretab President eng lewenishet nebo kenyitab 2022 asi kenai ole kinyorundo mokornotet netindoi.

Kamwa Senator Moi kole magat eng kandoik tugul koib poroindo netai koborie nametab asoya nekikowekta let bandaptai eng emet ak kokoch kasubet chikilisionoto kingat President Uhuru Kenyatta keyochi ofisaekab serkali eng magetab kiit let nametab asoya.

Kongololi eng komasta nebo Mogotio eng igortab kayumanik chekitoreten kanisetab Emining AIC,komwa Senator Moi kole nyalu eng kandoik koistoegei ngalalet kole kitokchini chikilisionoto kandoik kobun pororiengwai.