CS Matiang’i and Tobiko to appear before Senate committee

Bendi koititoi eng taitab committee nebo senate nebo Ad-Hoc committee minister nebo ribsetab kalyet eng emet orit Dr. Fred Matiang’i eng kipagenge ak minister nebo ribsetab itonwekab emet Keriako Tobiko asikwol tebutik kotinygei ak nyosutietab patel Dam nekibar biik 47.

Wendi kowolu Matiang’i tebutik cheboto nemwaat kele poisie eng kipagenge serkali ak mokoriotab Patel Dam Perry Mansoukh ak kou noto koimuch manyor imandanywan eng kapkirwok biik chekiityi nyosutionoto.

Eng komostanyin kowendi kowolu tebutik Tobiko chetinyegei ak kowkoutik chekikoib serkali eng nebo koker kole kakiriib itondab emet eng komosata bo Solai kosupgei ak nekilaa beek ngungunyek chechang eng kebeberata.

Eng wikit nekosirtoi ko kiitita taitab committee inoto CAS nebo ribsetab kalyet Patrick Ole Ntutu ole kimach committee inoto indochin senator nebo Makueni Mutula Kilonzo Junior minister Matiang’I koisto eng poisiet county commissioner nebo Nakuru Joshua Nkanatha eng mwaet kole posie eng kipageneg ak Patel.