Kenya Power managers await bail hearing

Bendi konae eng raini alake eng afisaek cheechen chebo kompunitab letaetab sitimet nebo Kenya power cheboto afisayat ne o Dr. Ken Tarus ak afisaek alak 9 chebo kompuninoto ankot kityoktoi eng bail.

Tesetai eng inguni eng kapkirwok netinyegei ak nametab asoya eng Milimani ogilyekab biikchoto kokoitoi somet nebo kityakta  afisaekchoto eng bail.

Biikchoto mitei eng taitab kirwokindet Douglas Ogoti eng inguni koboto neki afisayat ne o eng Kenya Power Ben Chumo ak alake eng directaek chebo kompunitab MUWA limited nekinyor tender nebo aletab transformers ole komitei kokerotin ichek eng ketesyetab police nebo Gigiri.

Eng kasarata ko koibarasta minister nebo kimnatosiek Charles Keter eng amut afisaek chebendi koindochin poisionik eng Kenya power cheboto Engineer Jared Omondi Otieno nekokilewen koik MD eng kasartab arawek 3.