Kakokimit kipakengeitab konetik nebo KNUT kole bendi konetikab emoni kongelelchini poishet eng termitab 3

Kakokimit kipakengeitab konetik nebo KNUT kole bendi konetikab emoni kongelelchini poishet eng termitab 3 netougei eng arawetab 9 angot komakisuldochine mogutikwai

Kamwa sirindet neo nebo kipakengeinatak bo KNUT Wilson Sossion kole moiyoni konetik tetutik cheterter chekokotestai kosuldae ministry nebo somanet ako bendi kongelelchini poishet kongete termitab 3 angot komakitonon tetutichotok

Kongololi eng tuiyet nekakiyai eng sukulitab barak nebo Masinde Muliro University, ko kamwa Sossion kole maiyanat tetutyet nebo kayaptaetab konetik kongete counties chekwai akoi counties alak chelooen anan delocalization

Kosupgei ak Sossion, konyoru koimutik chechang konetik ak familia chekwai eng kasarta nekakibesho icheget ak kiyokto koba konetis eng counties alak

Kates komwa Sossion kole ibei kasarta nekoi missing serkali kotomo kotyakta rabinik chebo somanet nemakiliboni eng mwaet kole kikoipchi notok kobit koimutik cheterter chebo somanet en sukulishek