Kabelis president Emmerson Mnangagwa nebo emetab Zimbabwe

Kakobelis president Emmerson Mnangagwa nebo emetab Zimbabwe eng
lewenisiet nebo president nekokiyai eng emonoto kosupgei ak
kipagengeitab lewenisiet eng emonoto bo Zimbabwe.
Eng kuraisiek kobun provinces 10 ko kaibelis Mnangagwa nebo chamaiatb
ZANU PF eng kebeberta nebo 50.8% ak kobel kandoindetab opposition
Nelson Chamisa nebo chamaitab MDC nekanyor kebebertab 44.3% .
Akot kou noto ko kaimanda police afisaekab kebebertab opposition
chekoesio wolutikchoto bo lewenisiet kotomo kibarasta wolutikchoto
kosupgei ak koyweisiet nebo kobiit chemarget eng kwenutab kasubikab
president Mnangagwa ak kandoindetab opposition Nelson Chamisa.
Eng kasarata ko kamwa kebeberta nebo opposition kole tokyingei
kapkirwok koesio wolutikchoto kaibarasta kipagengeitab lewenisiet eng
emonoto bo Zimbabwe ole kaibelis president Emmerson Mnangagwa.