Kakotonon kapkirwok nebo Employment and Łabour Relations Court kiboitinik chebo sipitalitab poror nebo Kenyatta

Kakotonon kapkirwok nebo Employment and Łabour Relations Court kiboitinik chebo sipitalitab poror nebo Kenyatta komatkotestai ak strike nengwai nekatoi eng betutab rani Jumatatu.

Kangat Justice Maureen Onyango kiboitinikchoto komatkotestai ak strike inatak akoi kekas ak ketil kesit nekaib kandoinatetab sipitalitab Kenyatta kwo kapkirwok koesioi strike inoto.

Kosupkei ak sipitalitab Kenyatta, komaiyanat strike inoto ak kou noto komagat kitonon amu wendi kowechei poishonik eng sipitalinatak bo Kenyatta.

Kayai kambaget kiboitinikab sipitalinatak eng rani Jumatatu eng sangutab sipitali konerekchini kachutetabgei eng lipanetab Allowance chenootin kou Health Service Allowance.

Karus inaat kakwoutietab ofisaiyat neo nebo kasar eng sipitalinatak Dr Thomas Mutie nekatiem kosaisai kiboitinikchoto kotonon strike akowekchigei poishet ole kaesio icheget kursonoto.

Kait kopoisie Police koristo nengwan koseer kiboitinikchoto kayoei kambaget.