NLC and KWS two days to file their responses in two petitions seeking to stop evictions

Kakokoito kapkirwok nebo imbarenik anan Environment and Lands Court eng Narok kasarta nebo betushek 2 eng kipagengeitab National Land Commission (NLC) ak Kenya Wildlife Service (KWS) kowol kotinygei ak Petitions 2 chemochei kitonon operation nebo kautoetab biik eng timdo nebo Mau.

Kamwa Justice Mohammed Kullow kole bo komonut missing kirwogonoto ole kangat komaswekchoto 2 kowol kotinygei ak Petitions ichoto koitei betutab Wednesday kotomo kotoigei kasetab Petitions ichoto eng Tarik 10 arawani.

Akot kou noto ko kaesio kapkirwokinoto eng kasarta nebo 2 kotonon operation inoto bo kautoetab biik eng timoto bo Mau.

Kiikoito Petition Governor nebo Kericho Prof Paul Chepkwony eng kapkirwok komochei kitonon operation nebo kautoetab biik chesirei 40,000 eng timdo nebo Mau eng mwaet kole kikingem imandab biik eng operation inoto.

Eng kasaratak ko kiikoito Petition age biik 19 chekimanda eng timoto bo Mau komochei akichek kitonon operation inoto ole kachomchi Justice Kullow kipagengeitab Friends of Mau Forest ak chi nekigure Elijah Sikona neborchinigei imandab kipkosobei eng Narok ketesta icheget eng Petition inoto kiikoito biikchoto 19 eng kapkirwok.

Kisuldoen operation inoto eng komaswekab Kosia, Nkoben, Arorwet, Kipchoge ak Total ole koibarasta serkali kole taugei eng konegit kebeberta nebo 2 nebo kautoetab biik eng timoto