Kakebut got nebo Ukay Centre nemitei komosta nebo Westlands

Kakebut got nebo Ukay Centre nemitei komosta nebo Westlands eng kasarta netesetai kipagengeitab NEMA kobutei gorik chekikitekchi olubunei oinosiek.

Goato mwaat kele bo silling million 900 ko kakibut eng kasarta nekoesio eng amut kapkirwok nebo High Court koteleel kokwoutiet nebo kebut goato kosupgei ak nekokowo kapkirwok mokorekab Kental Enterprises Limited korwokchi serklaitab county nebo Nairobi, NEMA ak Water Resource and Management Authority.

Goato bo Ukay Centre ko kikitekchi olenekite ak oinet nebo Kibarage ne eng kenyitab 2016 ko kimaran.

Kabiit nito eng kasarta nekongat Director nebo kirwogutikab poror anan DPP Noordin Haji kipagengeitab segeisyet nebo DCI koyai chikilisiet kotinygei ak olekinyorundo lesinisiek biik chekitech gorik eng komoswek chebunei oinosiek eng taonitab Nairobi.