Governors 10 kobun Central Kenya ak kokoito kurset eng President koisto aisurut nekiyochei mwanik

Kakomongei Governors 10 kobun Central Kenya ak kokoito kurset eng President Uhuru Kenyatta koisto aisurut nekiyochei mwanik.

Kabit nito eng kasarta nekokotestai kobor kaimetabgei biikab emet ak kandoik kotinygei ak kakwoutionoto koib serkali kotestai olietab mwanik eng mwaet kole kokoipchi kolany olietab sobet eng emet.

Kongololchini siriikab logoiwek,komwa Governors choto kondochini Governor nebo Nyandarua Francis Kimemia ne inendet kora ko nebo ngecheret eng Central Kenya Economic Bloc kole ipchini tesetab olietab mwanik kolany olietab sobet akoib kaimutik eng emet.

Kosom Governors choto President Uhuru Kenyatta konde siyet Billit nebo Finance Amendment Bill, 2018 nekoisirto bunge asi keisto aisurut nekokiyaach mwanik asi konyor kelchin biikab emet.

Koikoch kasubet ngalalanatak Governor nebo Kirinyaga Anne Waiguru nekomwa kole nyalu eng serkali kobun Ministry nebo rabinik kocheng ortinwek alak chenyorunen rabinik chepoisie eng yaetab poishonik chebo bandaptai nekata yochei aisurut mwanik.

Insert///Kimemia on fuel

Akot eng kasarta nekigeni biikab emet President Uhuru Kenyatta kowegei eng rutoitonyi eng emetab China,kotesetai koboru kaimetabgei kandoik kotinygei ak kakwoutiet nekoib serkali kotes olietab mwanik kobun tiletab aisurut nebo VAT nebo kebeberta 16% eng mwanik.

Tieegei sectors chechang chebo bandaptai eng emoni mwanik ak kou noto komuch koipchi noto kobut Uchumi nebo emet ak kobit kaimutik chechang.