Wendi serkali koboisie eng kibakenge ak kibakengeitap NHIF

Wendi  serkali koboisie  eng  kibakenge   ak  kibakengeitap  NHIF kogeer  kole  kakites   rabishek  chekitilee  biik  chetochei  melekwek chemi barak  asikotoret eng tugeetap biik  chemaimuchigei.

Kongololi  eng komasta  nebo Kajiado,  komwa   Deputy President  William  Ruto  kole nyolu  ketilee rabishek  chetesotin  biik  chenamei rabishek  chechang  ngekerchin  ak biik  chematindoi  boisionik asi komuch biik chemaimuchigei konyor tugeetab kanyoiset kobun NHIF.

Kamwa Ruto kole silingishek 1,700 chekitilen biik chetochei melekwogik chemitei barak kongeringen missing ingekerkchin ak melekwogik chetochei ak kou noto konyalu ketes koitetab rabinik chekitilen icheget eng kipagengeitab NHIF.

Kongolololi Ruto eng igorta nebo aldaetab nego anan Auction eng County nebo Kajiado ole kokiyum chepkondok million 29 chekipoisie eng kakokoitoetab tugeetab kanyoiset nebo NHIF eng biik chesirei 5,000 kobun County inoto.

Kokialda nego choto eng tetutiet nenaat kou ‘Mbuzi Moja, Afya Bora, netokchinigei ketes koitetab biik chekikotilchigei kaditab NHIF eng County nebo Kajiado ole komwa Ruto kole wendi kakwoutionoto kotoreti serkali eng kasuldaetab tetutiet netokchinigei koker kole kanyor biik tugul kanyoiset eng nyumnyumindo.

Komitei igoratak kandoik cheterter cheboto Governor nebo Kajiado  Joseph ole Lenku, Samuel Tunai nebo Narok, MPs Katoo ole Metito (Kajiado South), Ken Aramat (Narok East), Korei Lemein (Narok South), George Sunkuiya (Kajiado West), Joseph Manje (Kajiado North), Philip Mpaayei (Senator, Kajiado) ak Principal Secretary nebo tililindo Peter Tum.