Kakokoito kurset Governors chebo emoni koityi President Kenyatta konde siyet ngotutyet nebo Finance Bill

Kakokoito kurset Governors chebo emoni koityi President Uhuru Kenyatta konde siyet ngotutyet nebo Finance Bill nekoisirto Bunge eng wikit konyei asikomukak kerekunee olyetab mwanik nekokolany missing

Kamwa nebo ngecheret eng kipakengeitab Council of Governors Josphat Nanok kole kokobit koimutik chechang eng uchumi nebo emoni kongete ngetes olyetab mwanik eng betutab Jumapili ole kaikoito kurset eng President Kenyatta kotoret bikab emoni

Kosupgei ak ngotutionotok bo Finance Bill, ko tetat kinaktae akoi kenyitab 2020 kasarta nekitou keyochei mwanik aisurushek chebo 16% Value Added Tax

Kamwa Nanok eng logoiyot nekakiyokchi korikab kabarastatet kole angot kotestai kowo barak olyetab sobet, koitei kasarta netebei kiboitinik chebo serkalishekab county keteshi melegwokik, kit ne kamwa kole konu koimutik chechang eng serkalishekab county

Kabit nito eng kasarta nekamwa akine kandoindet nebo chamaitab ANC Musalia Mudavadi kole mo nyolu keteshi bikab emoni aisurushek eng mwaet kole chechang eng aisurushechotok kepoishe eng asoya anan ko ortinwek chematokunotin

Kongololchini sirikab logoiwek eng taonitab Nairobi, ko kaikoito kurset Mudavadi eng serkali komatkotestai kosom rabinik kobun emotinwekab sang ole kasom kora serkali kokimit boryet nekitokchini youtik chebo nametab asoya al chorsetab rabinikab serkali.