Kakobor kaimetabgei kipakengeitab konetik nebo KNUT kotinygei ak kipakengeitab TSC

Kakobor kaimetabgei kipakengeitab konetik nebo KNUT kotinygei ak kipakengeit nesirei konetik nebo Teachers Service Commission ne kamwa kole tyemei kochutyi kipakengeinatak bo KNUT

Kamwa sirindet neo nebo kipakengeinatak Wilson Sossion kole kokotestai kokoito komuiset kipakengeitab TSC koityi ofisaek chebo KNUT chepoishei eng komaswek cheterter chebo emoni

Kamwa Sossion kole oret age nepoishee kipakengeitab TSC ko kayaptaetab konetik che ofisaek chebo KNUT eng counties cheterter chebo emoni eng mwaet kole tokchinigei kokwoutionotok kowech poishonikab KNUT

Kates komwa Sossion kole makat eng kipakengeinatak kokonyit ngotutyet nekikon President Uhuru Kenyatta kole kitonon tetutyet nebo kiyapta konetik koba counties alak cheloen anan delocalization eng mwaet kole kikotestai kokon koimutik eng konetik ak familia chekwai