DPP Requests a 5-judge bench to hear Mwilu’s petition

Mochei Director neindochini kirwogutikab poror anan DPP Noordin Haji kelewen kirwogik 5 chebendi kokosei Petition nekoikoito Deputy Chief Justice Philomena Mwilu eng kapkirwok koesioi kakwoutik alak tugul chebo kirwokchi inendet.

Mochei Haji kikoito Fileit nebo kesinoto eng taitab Chief Justice David Maraga asi kolewen kirwogik 5 chekosei Petition inoto bo Mwilu.

Eng application nekaikoito Haji eng kapkirwok kobun ogiliot neo kobun ofisinyi Lilian Ogwora,komwa Haji kole bo komonut tuguk chekoiborgeei eng Petition nebo Mwilu ak kou noto konyalu kogas Petition inoto kirwogik chesirei 1.

Kosupkei ak noto komochei Haji kelewen kirwogik chekosei kesinoto komait tarik 9 arawetab 10 ole tetat kotoigei kasetab kirwogoto.

Tetat kogas application inoto kaikoito Haji eng kapkirwok kirwogindet Justice Chacha Mwita asi kotil kotinygei ak angotkonyalu kokas Petition inoto bo Mwilu kirwogik 5 kou eng sometab Haji.

Kirwokchini Mwilu kotinygei ak asoya ak yautik alak chebo ngolset ole kiwo kapkirwok koesio kokwoutiet nekikiib kirwokchi inendet ole kitil kapkirwok kole komatkotoigei kirwogenyi akoi kekas ak ketil kotinygei ak petition inoto kiikoito eng kapkirwok.