Kakolumda dukoshekab Tuskys tetutiet netokchinigei kekanapta sobonwekab biikab emet

Kakolumda dukoshekab Tuskys tetutiet netokchinigei kekanapta sobonwekab biikab emet missing ko chemaimuchigei.

Tetutionoto bo ‘Tuskys in The Community’ nekokilumda eng County nebo Nakuru,kotokchinigei kibwaat ak keboiboichi poishonik chekiyai taunindetab dukoshekab Tusker Mattresses,nekikosirto Mzee Joram Kamau ole tetat kepoisie rabinik Million 30 eng kasuldaetab tetutionoto.

Kinyigisi sector nebo somanet ole kokeyochi kolelitet sukulitab Lengenet Primary eng Rongai nekisomonen Mzee Kamau eng tetutionoto.

Kongololi yekongolumdoi tetutionoto,komwa ofisaiyat neo nebo Tuskys Supermarket Dan Githua kole tindoi tetutik chemiach icheget eng biikab emet ole bendi kotoreti icheget koloong sobonwekwai.

Kamwa Githua kole tetat kelumda tetutionoto eng konegit eng komasta nebo Nyanza,Pwani, Thika ak Meru asi konyor kelchin kora mengikab komaswekchoto.