Migori Governor Okoth Obado records statement over Sharon Otieno’s death

Tesetai eng inguni ofisaekab segeishet chebo Directorate of Criminal Investigations (DCI) kotepseen Governor nebo Migori Okoth Obado kotinygei ak baretab kipsomaniatab sukulitab barak nebo Rongo Sharon Otieno nekokibar eng konegit.

Kitepseen Obado eng ofisishek cheechen chebo DCI eng Kisumu kotinygei ak kit neingen kotinygei ak baretab Sharon.

Kaikoitogei Obado eng ofisisiekchoto bo DCI asi ketepsee kosupkei ak nekokiguur inendet.

Kokemwa kainetab Obado eng oleo kotinygei ak baretab kipsomaniandanatak ole kimongu koaror kotinygei ak tuguk che ingen kotinygei ak yautionoto.

Tesetai chikilisiet netokchingei kenai biik chekitinygei ak baretab Sharon ole kokenam biik 3 cheboto toretindetab Obado Michael Oyamo nekokirwokchi kotinygei ak noto.

Kikinyor Sharon kokakebar akewirta bortanyi eng timdo 1 eng komasta nebo Migori ole tomo kenai biik chekitinygei ak barenyi.