Senators conduct first sitting outside Nairobi

Monday September 24, 2018 – Kakomwa Speaker nebo Senate Kenneth Lusaka kole tindoi kayanet kole wendi koibu borotet ateboshekab Senate chekeyoei eng sang nebo Nairobi ole kayai ateboshekchik chetai bunge nebo Senate eng taonitab Eldoret eng County nebo UasinGishu.

Kamwa Lusaka ne indochin Senators cheitei 67 eng tuiyoshekab Senate eng taonitab Eldoret kole wendi Senate koyoei tuiyoshekchik eng Counties tugul 47 asi kekanapta tiliandit nemie eng kwenutab Senate ak biikab emet.

Kamwa Lusaka kole nyoru poroindo Senators nebo koguiyo magutikab biikab emet ak borotet nekikoib tetutietab Devolution.

Eng kasaratak komwa Lusaka kole nyalu eng Governors chekokiguur koitita taitab Committees cheterter chebo Senate kobwa asi ketepsee icheget.

Alak eng Governors chetetat koitita taitab Senate koboto Governor nebo Baringo, Uasin Gishu ak West Pokot asi ketepsee kotinygei ak poishetab rabinik eng Counties chekwai kou eng Report nebo Auditor General.

Tetat kotestai tuiyoshekchoto bo Senate akoi betutab Friday.