Kakomwa Director nebo kirwogutik Noordin Haji kole kokekimit ripset nekikochini ofisaek chepoishei eng ofisinyi

Kakomwa Director nebo kirwogutik Noordin Haji kole kokekimit ripset nekikochini ofisaek chepoishei eng ofisinyi.

Kamwa Haji kole kokiib kokwoutionotok kosupgei ak ngoiyonditab kibokchi ofisaechatak indochini kirwogutik eng kapkirwok cheterter chebo emoni

Kongololi eng eng taonitab Nairobi eng igorta nebo lumdaetab konetishet anan induction nekikochini Prosecutors che lelachen ak ofisaek alak chekokisir kopois eng ofisinotok bo DPP, komwa Haji kole nyoru komuiset neo kiboitinik chepoishei eng kebeberwek cheterter chebo ofisinyi ak kou notok ko makat kerib icheget eng kasarwek tugul.

Kamwa Haji kole konetishonotok katoigei eng betutab rani kotokchinigei kinoisechi kiboitinichotok kotinygei ak ole nyolu koyaita poishonikwai ole kacher icheget kokilchigei poishonikwai ak koistoegei youtik alak tugul chemoiyonotin.