President Kenyatta warns NCPB officials

Thursday October 4, 2018 – Kakokoito kateunet President Uhuru Kenyatta eng ofisaek chebo Ministry nebo kabotishet missing ko chebo chogeshekab serkali chebo NCPB chemayoei poishonikwai komie ak eng oret netagunot kole kiipchini icheget kakwoutik chekimen.

Eng nekatook koboru neregek kotinygei ak kasarta nekoi nekokiib asi kelipan kabotik chekiranda bandeekwai eng Cereal,komwa President Kenyatta kole kikilipan chemungarainik nekita kabotik chekiranda bandeek eng Cereal kit nekiipchi koreer rabinik chekelibonchini kabotik chebo iman ole kaikoito kateunet eng ofisaekchatak kole kiipchini kakwoutik angotkoketyi lelutionoto kokeny.

Kongololi yekangolumdoi Show nebo kenyini nebo Nairobi ASK Show eng Jamhuri Grounds eng taonitab Nairobi,komwa President Kenyatta kole magat keipchi komonut kabotindet korook missing ko eng lipanet asi manyolilso kabotiik.

Akot kou noto komwa President Kenyatta kole kakotoi konyor rabinikwai kabotiikab bandeek kongete betutab rani kit newendi koiiti let kagenishet nekotindoi kabotik chekotomo kelipan.

Kangalal President Kenyatta betut 1 kongete ngokon kamuiset alake eng kandoik kobun Rift Valley cheboto MP nebo Nandi Hills Alfred Keter,MP nebo Moiben Silas Tiren ak MP nekikitoror Sammy Seroney kole bendi kogureei kambaget neo eng betutab Jumatatu angotkomakilipan kabotiik.

Kaikoch kasubet President Kenyatta kurset nekokon Governor nebo Nairobi Mike Sonko eng chemungarainik chengoee Unga anan Millers koregune olietab Unga akoi silingishek 75 eng pakitit age tugul nebo kiloishek 2 eng mwaet kole mitei bandeek cheyomei emet ak kou noto komanyalu kolany olietab Unga.