Chiefs and ACCs to undergo paramilitary training

Tetei ministry nebo ribsetab kalyet eng emet orit eng kasartab arawek 6 chemitei tai kokochi alak eng assistant county commissioners ak kirwokik konetisiet nemitei barak anan paramilitary training.

Kongololi eng tuiyet nekayai ak afisaek chebo ribsetab kalyet eng county nebo Nyeri ko kamwa minister nebo ribsetab kalyet eng emet orit Fred Matiang’i kole tetat konyor konetisionoto assistant county commissioners cheitei 400 ak kirwokik cheitei 3,400 chetomo konyor konetisionoto ko oret agenge nebo koker kole kaisuldaen poisienywan kou ole magat afisaekchoto bo serkali.

Eng kasarata ko kamwa Matiangi kole tesetai chikilisiet kotinygei ak nemwaat kele mitei alak eng afisaekab police chepoisie eng kipageng e ak chemungarainik chemoititootin anan cartels asikonyalil kabotikab kahawek eng central Kenya.

Kaikimit Matiang’i kole tesetai kora afisaekab ribsetab kalyet kosuldaen kokwoutik chekimen chetokyingei kekirinda youtikab wechetab kalyet chekokoba barak eng kebeberata.