Kakomwa gavana nebo Nandi Stephen Sang kole kokilabate kursetab kewal Katiba nebo emoni.

Kakomwa gavana nebo Nandi Stephen Sang kole kokilabate kursetab kewal Katiba nebo emoni.

Kamwa Sang ne kora ko ogilyoot kole ngaa kikoon katiba nebo emoni kurgetab kewal eng oretab bunge anan ko kuraiyatab referendum konyolu keyai chigilisiet ak ng’alalet ne eng let ko tagu kiit ne nyolu kewal ak oret ne kiboisie.

Eng Nguni kosupgei ak Sang ko nga kokoyan kandoik kole kewal Katiba inoto konyumnyum korus inaat kakwoutionoto amu makitoune kakwoutionoto tuguk che kikosyinechin kewal kotomo kemwa kele magat keba referendum.

Kamwa Sang kole tuguk che chang che kokomong biik che indochin kursonoto kole kewal eng katiba cheboto kandoindatet nebo ketes boroinwek ak keisto alak koboto keisto kaonties ak constituencies che manyumnyum konyor kasupet akeenge amu eng terchinosiek che konu.

Kora ko kamwa sang kole monyolu kobwat kandoik referendum ama kiib kakwout ne imuchi kolumda komie kibakengeitab lewenisiet IEBC ne tinye tigenutik che chang kosupgei ak kaimutik che tinye eng kasarta ne koi Nguni.