Death of student in Lugusi boys school

 

Kakobor kaimetabgei Ministry nebo somanet kotinygei ak yautiet nekobit eng sukulitab weriik nebo Lugusi Boys eng County nebo Kakamega ole kobar kipsomaniat 1 kipsomaniat age kosupkei ak terchinet nekobit.

Kosupkei ak noto ko kakoyokto Ministry nebo somanet ofisaek koba sukulinoto asi koyai chikilishet kotinygei ak yautionoto.

Eng logoiyot nekakiyokchi ketesioni,komwa Minister nebo somanet Amb (Dr.) Amina Mohamed kole bendi ofisaekchatak kora kongololi ak kipsomaninik chebo sukulinoto eng tokchinetab kotigon icheget akonai imanda kotinygei ak yautionoto.

Akot kou noto kokimit Amina kole magat eng kipsomaninik kobor kondit eng kasarwek tugul akoistoegei yautik cheimuchi kowech somanet.