Uhuru asks parents not to exert pressure on candidates

 

Monday, October 22, 2018

Kakokoito kurset President Uhuru Kenyatta eng sigikab emoni komatkosimchi lagokwai kosiryo eng tyemutikab poror chebo KCSE ak KCPE

Kamwa President Kenyatta kole youtik chebo ngolset chekikotestai kobit eng kasarta nebo tyemutik ko kosupgei ak kipsomaninik chenyoru kosimchinet neo kobun sigik koker kole kasiryo eng tyemutichotok

Kongololi eng komasta nebo Sotik yekangondochini igorta nebo lumdaetab machinishek che lelach chebo kompunitab New KCC, komwa President Kenyatta kole chang talentaishek che imuchi konyorunee kelchin lagokab emoni eng mwaet kole ma somanet inegei nekimuchi kenyorunee kelchin

Yekangobata igoratak ko katokchigei President Kenyatta taonitab Bomet ole kaindochi igorta nebo yatetab tuiyet netai nebo kotuiyetabgei nebo counties cheterter ne naat kou Lake Region Economic Bloc

Kamwa President Kenyatta kole wendi serkali kokochini toretet kotuiyetabgei nebo counties cheterter asikomuch koborie ak kocheng wolutyet kotinygei ak koimutik cheterter cheboto katerteretab youtiik chebo chorsetab kiyakik eng kwenutab pororioshek cheribei kiyakik

Kamitei igoratak kandoik cheboto Deputy President William Ruto, Cabinet Secretary nebo Devolution Eugene Wamalwa, Governors cheterter eng kwenutab kandoik alak.