IPOA,NPS to mend fences

Imuch konyor imanda eng chokchinet biik chebunei kanyalilet eng eunekab police ankot kosulda kayomiset nekaiyomis kipagengeitab National Police Service ak kipagengeit nechikili poisionikab police noto ko Independent Policing Oversight Authority (IPOA) nebo kopois eng kipagenge konyor imanda bikchoto.

Kongeten ingetoi kipagnegeitnoto bo IPOA eng kenyitab 2012 ko kikotestai kobiit terjinet ne o eng kwenunyin ak afisaekab police ole kosupgei ak noto ko kirirtaen kipagengeitab police nebo National Police Service kole wechei poisionikchik chebo koker kole kapois police eng oret nemagat ak nenomegei ak ngatutikab emoni.

Komgololi eng kasarta nekarutechi eng kasarta netai ofisisiekab IPOA ko kamwa Inspector General nebo police Joseph Boinnet kole chobot ine koker kole kait let terjinosiek chekikotestai kobiit eng kwenutab police ak IPOA.

Kayai tuiyet Boinnet ak board neleel nebo IPOA kondochin nebo ngecheret neleel eng kipagengeitnoto bo IPOA Anne Makori

Eng kasarata ko kamwa nebo ngecheret eng IPOA Anne Makori kole tesetai kipagengeitnoto kokere kole kayai poisienyin kou ole magat afisaekab police.

Eng inguni kochikili IPOA youtik chebo rumisiet cheitei 243 chemwaat kele kiisuldaen police eng kasarta nebo kenyit agenge nekokosirto.