Bomet – Teachers in support of their Kericho counterparts

Kakomongei sirindet neo nebo KNUT mornetab Bomet Joseph Malel Langat ak korirtaen ofisaekaab police kosupgei ak nekopoisien kimnotet kosiir eng kasarta nekoiserei  konetik chekoyoe kambageet eng kebeberta nebo Litein eng County nebo Kericho.

Kamwa Malel kole chobotin konetikab Bomet konamgei eun ak chebo Kericho eng nebo koker kole kabit imanda kosupgei ak baretab agenge eng icheget nekikibar eng arawetab 7 eng kenyini eng komosta nebo chesingoro.

Eng kasarta ko kamwa CCIO nebo Kericho Stephen Chacha Magwe kole takogeni ichek failit nekiiyokto kwo ofisitab  DPP kotinygei ak baretab konetindet Willy Sang kotomo koibe kokwoutik alak tugul.

Kosupgei ak Magwe ko nyolu eng konetik kosich muitaet eng kasarta netesetai chengetab imanda kotinygei ak rumisionoto.