Treasury blames Agriculture Ministry over maize crisis

 

Kaorirtaen ministry nebo robinik ministry nebo kabotisiet kotinygei ak aletab bandek kobun emotinwekab sang kosiir ole kimagat eng kasarta nekikakon serkali poroindo nebo keib bandek chemokiyochei aisurut kobun emotinwekab sang.

Kamwochi committee nebo senate nechikili kotinygei ak koimutik chetesetai kobune kabotikab bandek Chief Administrative Secretary eng ministry nebo robinik Nelson Gaichuhie kole kiibet serkali rabinik chesirei silling billion 15 eng kwenutab arawetab 5 ak arawetab 10 eng kenyit nekosirtoi eng kasarata kikakon serkali keip bandek kobwa emoni.

Kariraten Gaichuhie ministry nebo kabotisiet kosupgei ak nekamwa kole maaror komie kotinygei ak chongindab bandek chekimagat keib kobwa emoni.

Kamwochi committee inoto kora ministry nebo robinik kole kipoisien kasarata chemungarainik koib bandek kobwa emoni ak konyokwoldechi chagosiekab serkali chebo NCPB eng sillin 3,600 eng guniet nebo kiloisiek 90 nebo bandek.

Akot kou noto ko kokur committee inoto bo senate kondochin senator nebo Uasin Gishu Margaret Kamar minister nebo kabotisiet Mwangi Kiunjuri koitita taitnyin asikoaraor kotinygei ak noto.