Govt worried over teenage pregnancies
Thursday, November 01, 2018 – Kakomwa Minister nebo somanet Amina Mohammed kole makat keib kokwoutik asikitonon youtik chekimonochi lagok chemengech eng emet
Kaibor kaimetabgei Amina kosupgei ak koitet neo nebo kipsomaninikab class 8 che kochutko eng kasarta nebo tyemutikab kenyini chebo KCPE chekakoit let eng betutab rani
Kongololi eng korokoretab Langata Women’s Prison eng county nebo Nairobi, ko kamwa Amina kole makat eng sigik ak stakeholders tugul chebo somanet koker kole kaib kokwoutik chekimen chetokchinigei kitonon youtichotok amu ngemei missing imanda nebo lagochotok mengech kotestai ak somanet
Kochutko lagok chesirei 10 eng kasarta nekoyoei tyemutichotok bo KCPE eng komaswek cheterter chebo emoni
Akot kou notok kaikoito kurset Amina eng sigikab lagochotok koker kole katoret icheget asikomuch kotestai ak somanetab secondary eng kenyit ne nyonei eng mwaet kole makat kikochi icheget kasarta nebo kotestai ak somanet
Kapoishee kasaratak Amina kobarasta kole chobot Ministry nebo somanet kotononchi tyemutikab form 4 chetougei eng wikit ne nyonei eng mwaet kole kokosulda tetutik tugul chetokchinigei tyemutichotok
