Judge stops EACC investigating Kidero’s properties

Thursday, November 01, 2018 – Kakongat kapkirwok nebo High Court kipakengeit neindochini borytet nekitokchini youtik chebo nametab asoya nebo Ethic and Anti-Corruption Commission kotonon tetutik tugul chetokchinigei kewas mengotoshekab neki Governor nebo Nairobi county Dr. Evans Kidero

Kowo kapkirwok Kidero kochengei imanda eng mwaet kole kokoiim inendet ofisaekab EACC cheibokchini mengotoshekchi kochengei baornatet ole kamwa kirwokindet Justice Hedwig Ongudi kole makat eng kipakengeinatak bo EACC kotonon tetutichotok bo chengset akoi kekas ak ketil kirwoget notoi koikoito Kidero eng kapkirwok

Kaokotestai kobor kaimetabgei Kidero eng mwaet kole ibokchini mengotoshekchi ofisaek chebo EACC eng oret nemaiyanat eng mwaet kole chengei logoiwek ak baornatet kotinygei ak lelutik chebo nametab asoya chekikimwaitae inendet

Eng arawetab 9 kenyini, ko kiibokchi ofisaek chebo EACC mengotetab Kidero nemitei komasta nebo Muthaiga ak ofisinyi nemitei komasta nebo Riverside Drive eng Westlands kochengei logoiwek chetoreti eng kirwoget notok bo kidero

Kirwokchini Kidero kosupgei ak youtik chebo nametab asoya che mwaat kele kibitz eng kasarta nekindochini inendet county nebo Nairobi ole kikityakta eng cash bail nebo silingishek Million 2