Uhuru calls for speedy prosecution of graft suspects

Thursday, November 1, 2018 – Kakokoito kurset President Uhuru Kenyatta eng kapkirwok ak kipakengeishek tugul chetinyegei ak boryet nekitokchini youtik chebo nametab asoya koker kole kaisulda kirwogutik tugul chebo bik chekikimwaitae youtichotok

Kamwa President Kenyatta kole asikosulda boryet neketokchini asoya ak chorsetab rabinik eng kebeberwek cheterter chebo serkali, ko makat keker kele kaisulda kirwogutik ak kikochi kerkongiet ne ngwan bik tugul chetinyegei ak lelutichotok

Kamwa President Kenyatta kole tinge kayanet Director nebo kirwoguik ak Directorate of Criminal Investigations kosuldae borionotok ole kaikoito kurset eng kapkirwok koyai akine kebebertanyi asikosulda kirwogutichotok.

Kongololi eng State House Nairobi, ko kaikimit kandoindetab emet kole wendi kora serkali kokerei kole kakiweek malik tugul chekichorei ak keuny ang emoni anan ko emotinwekab sang

Kaikimit President Kenyatta kole mowektogei let serkalinyi eng boryet nekitokchini youtik chebo nametab asoya akoi kiterter youtichotok kikowekta let bandaptai nebo emoni