Education Ministry to roll out policy to curb teen pregnancies

Monday, November 5, 2018 – Tesetai Ministry nebo somanet kochobei ngotutyet nekim netokchinigei koterter youtik chekimonochi lagok chemengechen eng emet

Kamwa Minister nebo somanet Amina Mohammed kole poishei eng kipakenge Ministry nenyindet ak kipakengeishek alak chebo serkali eng chobetab arorutyet netokchinigei kekirinda koimutionotok kikowekta let somanetab lakwet ne chepto

Eng tyemutikab class 8 chebo KCPE chekokiwong eng wikit konyei, ko kochutgo lagok chesirei 10 chekoyoei tyemutichotok eng sukulishek cheterter ole tesetai koboru kaimetabgei Ministry nebo somanet kosupgei ak youtionotok

Kongololi eng taonitab Mombasa eng karonetab rani eng kasarta nekaindochini igorta nebo roptaetab tyemutikab KCSE, ko kamwa Amina Mohammed kole makat keib kokwoutik chekimen chetokchinigei keriib tibik asikomuch kotestai ak somanet

Kaikoito kurset Mohammed eng sigik koker kole karib ak kotikon lagokwai asikomuch koistoegei youtik chemoiyonotin che imuchi kongem somanengwai