KCSE Day 4, two masterminds of exam malpractice arrested

Thursday November 8, 2018 – Eng betut nekachut betutab 4 raini yaetab tyemutikab KCSE ko kakomwa minister nebo somanet Amina Mohammed kole kakonam police biik 2 chekibwotyin kotinygegei eng ole o ak youtik chebo ngolset eng kasarita tesetai KCSE eng emet.

Kamwa Amina kole biikchoto 2 ko alak eng biik chekochikili police kotinygei ak youtik chebo ngangdaetab tyemutikab KCSE ole kamwa kole kikotesentai biikchoto youtionoto eng kasarta nebo kenyisiek 2.

Tetat kiitita biikchoto 2 kapkirwok eng raini asikirwokyi kotinygei ak lelutikchoto.

Kosupgei ak Amina ko kokenam ak kiitita kapkirwok biik chekokinyor koyae tyemutikab KCSE chekakipir photocopy eng komosta nebo Kisii.

Akot kou noto ko kaikoito ine kurset eng centre managers koker kole kakisub arorutik tugul chekiimong ministry nebo somanet asikekirinda

youtikchoto bo ngolset amabiit eng nekaikimit kole kinome ak keipchi kerkonget nengwan konetikab sukulisieik chemaisubi arorutikchoto.

Kangololi Amina eng subcounty nebo Langata eng kasarta nekakiyote tyemutikab raini ole kamitei eng kipagenge ak sirindet ne o eng ministry nebo somanet Dr.Belio Kipsang ak nebo ngecheret eng kipagengeitab tyemutik,KNEC Prof. George Magoha.