Road accidents claim 2626 lives as Nairobi, Kiambu, Nakuru lead

Friday November 9, 2018 – Kokobet sobonwekwai biik 2,626 akonyor kakotonoshek biik cheitei 3,240 kosupkei ak nyasutikab oret akoi inguni.

Nito ko kaimutiet neo nemochei serkali kochengchi walutiet.

Indoi County nebo Nairobi eng nyasutik chechang chebo oret akosub County nebo Kiambu ak Nakuru ole nyasutik chechang chekibit eng komaswekchoto kotinyegei ak ketetab karishek eng chepchepindo nemitei barak ak eisysetab maiywek.

Kosupkei ak Director General eng kipagengeitab National Transport and Safety Authority (NTSA) Francis Meja,kotinyegei karishek chechang chebo private ak nyasutikab oret.

Kamwa Meja kole kebeberta 92% nebo nyasutikchoto kobitu kosupkei ak poishonikab kimugulmet ak kebeberta 5% nebo nyasutikchoto kobitu kosupkei ak kaimutik chetinyegei ak karit ak kebeberta 3% nebo nyasutikchoto kotinyegei ak itondab emet.

Kongololi eng tuiyet nekakingololen ortinwek chekiistoen kaimutik chekikotestai kobit eng sector nebo loiset nekamitei Minister nebo ripsetab kalyet eng emet orit Dr. Fred Matiangi,Minister nebo loiset James Macharia ak Inspector General nebo Police Joseph Boinnet,kosom Meja Police kokanapta chikilishetab karishek eng ortinwek asi keisto ketiik chemakonyiti ngatutik ak karishek chemanyalu komitei ortinwek.

Kamwa Boinnet kole kikonoptoi ripset eng ortinwekab emoni eng kasari kakoriik igorwek chebo Christmas ak toksetab kenyit nelel asi keistoegei kabetetab sobonwek kobun nyasutikab oret.

End