Uhuru blasts leaders airing grievances at funerals

 

Kakonerekchi President Uhuru Kenyatta kandoikab polotet chekokotestai kopoisie igorwekab Mazishi kowolchigeei ngalekab polotet akomwaita rireekwai chemanyalu.

Kongololi eng igorta nebo konoretab bortab Mzee Peter Musyoka, ne kwanitab kandoindetab Wiper Kalonzo Musyoka eng komasta nebo Tseikuru eng County nebo Kitui, komwa President Kenyatta kole mobo komonut rireekab kandoik kobate nyalu eng kandoik kocheng walutik kotinygei ak kaimutik chebunei bikab emet.

Eng igoratak kaitita kandoik ak konyitenik cheterter,kokimit kandoindetab emet magetab serkali nebo kituiyo biik tugul chebo emoni ole kacheer kandoik kotuiyogei ak kopois eng kipagenge eng yaetab poishonik cheipchini kelchin biikab emet.

Eng kasaratak kongat President Kenyatta kerebee poishet Contractor nekotechei oret nebo Kiambere-Seikuru eng mwaet kole kokochutgeei missing eng yaetab poishononoto.

Kotinygei ak nekoketestai kemwa kele kikosom besendo neo serkali,komwa President Kenyatta kole mokchinigei serkali rabinik cheyoeen poishonik ak kou noto koyochei koib besendo.

Eng komastanyi ko kaibarasta Kalonzo kole wendi kopoisie eng kipagenge ak President Kenyatta eng yaetab poishonik.

Kamwa Kalonzo kole mamitei nepchee inendet ak Uhuru eng mwaet kole wendi koibei poroindo netai koger kole kaisulda poishonikab serkali missing ko chebo Big 4 ak katerteretab asoya.

Kamitei igoratak akichek kandoik cheboto Deputy President William Ruto ak Raila Odinga chekailos poishonik chekiyai Mzee Peter Musyoka.