EACC raids Governor Obado’s homes

Tuesday November 13, 2018 – Kaibokchi ofisaek chebo kipagengeit neborie asoya eng emoni nebo Ethics and Anti-Corruption Commission (EACC) mengotoshekab Governor nebo Migori Okoth Obado eng Migori ak Nairobi eng karonetab rani.

Mwaat kele kachengei ofisaekchatak bo EACC kartasishek ak logoiywek chebo komonut chetoreti eng chikilishet netesetai kotinygei ak yautik chebo nametab asoya chekikimwaitae Obado.

Kichigili Obado kotinygei ak nemwaat kitinygei ak chorsetab rabinik Billion 2 chebo County nebo Migori kobun kampunishek chenomu tilianutikchik.

Eng arawetab 9 kenyini,ko kimwa EACC kole kiker Accounts chebo benki chebo Obado ak chebo tupchoshekchik 3 kotinygei ak nemwaat kele kitoretgeei tugul kochor rabinikchatak.

Kosupkei ak EACC,ko kikicher ak keuny rabinikchatak eng Accounts chebo benki chebo lagokab Obado eng Australia, Hong Kong ak China ole tesetai chikilishet.

Kabit nito eng kasarta nemitei sang Governor Obado eng bond eng kirwoget nekirwokchini inendet kotinygei ak baretab kipsomaniat 1 ole tesetai kirwogenyi.