Atwoli makes a case for Constitutional Change

Thursday, November 22, 2018 – Kakomwa sirindet neo eng kipakengeitab kiboitinik nebo COTU Francis Atwoli kole makat eng kandoikab emoni konde taban terchinoshek chebo bolotet ak koiittyi komonut tetutik chebo keib kipakenge ak kochomyet nebo bikab emet

Kamwa Atwoli kole chemarget ak terchinoshek chekikotestai kobit eng emoni, missing ko eng kasarta nebo lewenishet kobitu kosupgei ak kandoikab bolotet chemotindoi maket age tugul koker kole komengis bikab emet eng oret nebo kalyet

Kongololi eng taitab taskforce nekikitoi kondochi tetutik chebo ibunetab kochomyet ne naat kou Building Bridges Initiative, ko kamwa Atwoli kole nyolu keyochi wallet katiba nebo emoni asiketoi boroinwek cheterter chebo kandoinatet asikotoret koisto terchinoshek eng kasarta nebo lewenishet.

Kates komwa Atwoli kole ango ketoi boroinwechotok, konyoru kasarta nebo kondochi emoni kandoik kobun pororioshek cheterter eng boroinwechotok lelachen, kit ne kamwa kole ibu kalyet ak kipakenge nebo bikab emet.