Firearm holders to be listed afresh, Matiangi

 

Friday November 23, 2018

Kakobut Minister nebo ripsetab kalyet eng emet orit Dr. Fred Matiangi Board netelelchini siretab bundukishek nebo Firearms Control and Licensing Board eng tokchinetab keib wallet nemagat eng Boardinoto.

Kamwa Matiangi kole tomo komuch Board inoto koipchi kakwoutik biik chemotindoi chomchinetab konom bundukishek ak kou noto ko katil kobut Board inoto asi ketoi age nelel.

Kongololi eng taonitab Nairobi,komwa Matiangi kole tetat keyochi chikilishet nelel biik chenomu bundukishek ak ketoi Register nelel nebo kasari nebo bundukishek ak biik chetindoi chomchinetab konom kariikchatak.

Kamwa Matiangi kole tokchinigei kakwoutionoto keisto poishet neya nebo bundukishek chekikikoch biik koribegeei ak keisto bundukishek chemitei eunekab biik chemotindoi chomchinet anan permit nebo konom kariikchatak.

Eng kasaratak kosom Matiangi nekabotogei ak Inspector General nebo Police Joseph Boinnet biik ak kipagengeishek tugul kopois eng kipagenge ak police eng katerteretab yautik chebo ngemetab kalyet asi kosulda tetutik chebo kakimitetab kalyet.