State plans to create more than 6.5 million jobs by 2022

Friday November 23, 2018 – Kakolumda serkali tetutiet neo netokchinigei koger kole kakitoi poroinwek chelelach chebo poishet cheitei Million 6.5 koitei kenyitab 2022.

Tetutionoto bo Third Medium Plan 2018 -2022, kotokchinigei kora kogeer kole kakikanapta Uchumi nebo emet eng kebeberta 7%.

Kongololi eng igorta nebo lumdaetab tetutionoto eng Nairobi,komwa Deputy President William Ruto kole kiibei kakwoutik chekimen chetokchinigei kogeer kole kaisulda tetutionoto cheboto keisto yautik chengemei bandaptai cheboto asoya ak ketoi poroindo nekararan nebo yaetab mungaret.

Alak eng tetutik chekamwa Ruto kole isuldoe serkali asi kenyor poroinwekchoto bo poishet koboto keteech runway nelel eng kiwanjetab ndegeishek nebo JKIA,teksetab kebeberta nekitogeen masigoshek eng Port nebo Mombasa ak tesetab masigoshek chekiloe kepoisie SGR.

Eng komastanyi komwa minister nebo rabinik Henry Rotich kole wendi serkali kopoisie ak serkalishekab county asi kobit kegeer kele nomegei tetutikwai chebo bandaptai ak chebo serkalit neo asi kosulda bandaptai eng emet.

Alak eng biik chekamitei igoratak koboto Minister nebo Devolution Eugene Wamalwa,Minister nebo urerioshek Rashid Achesa,John Munyes nebo Petroleum and Mining, Governor nebo Central Bank Patrick Njoroge,MPs ak ofisaek alak chebo serkali.