MPs to vote on Gender Bill today

Wednesday, November 28, 2018 – Tobeni konyek tugul bunge eng betutab rani ole tetat kobir kura MPs kotinygei ak ngotutyet netokchinigei koib kerkeindo nebo murenik ak kwonyik eng kandoinatet anan Gender Bill.

Kosupgei ak Billinotok kitoi Duale, ko tetat kitobonchi kwonyik boroinwek che ichegei chebo nomination eng tokchinetab ketes koitetab kwonyik chemitei bunge nebo Senate ak National Asembly.

Kokotestai ngalalet neo eng emet kotinygei ak ngotutionotok ole nganda kokomwa kandoik chebo chamaishek tugul chebo bolotet kole nyolu kisirto, komitei MPs cheterter chekokomwa kole moisirtoi ngotutionotok eng mwaet kole makat eng kwonyik koborchigei boroinwek chebo kandoinatet kou murenik

Komwa kora alake eng MPs kole moisirtoi ngotutionotok amu ipchini kolany koitetab rabinik chekelibonee kandoik ak kiboitinikab serkali kobate komwa President Uhuru Kenyatta kole tinyei serkali rabinik chekilibonee kandoik che tetat kelewen.

Asikosirto ngotutiono, ko makat konyor kasubet kobun MPs chemarekunee 233 ole angot kosirto MPs eng betutab rani, ko tetat kikoito kowo bunge nebo Senate asikengalalee ak kisirto kotomo kikoito kowo ofisitab President asikonde siyet.

Kosupgei ak katiba nebo emoni nekiisirto bikab emet eng kenyitab 2010, ko makat eng bunge kotoi ngotutyet neibu kerkeindo nebo murenik ak kwonyik eng kandoinatet ole angot komaisuldae mogutichotok bunge, ko imuch kebut bunge ak keyai lewenishet age nelel