Form one admission to start Today

Sunday December 2, 2018 – Tetat kolumda eng raini minister nebo somanet Amina Mohammed tetutiet nebo lewenetab kipsomaninik chechutei Form One eng taunetabgei nebo kenyit nenyonei.

Kosupkei ak noto ko tetat konai kipsomaninik chesirei millionit agenge chekoyoei KCPE sukulishek chekakikurchi icheget.

Lumdo Amina tetutionoto eng Kenya Institute of Curriculum Development (KICD)

Kitaunee lewenetab kipsomaninik chechutei sukulishek 103 chebo National Schools chekonyor markishek chesirei 400.

Konyor markishek 400 akoba barak kipsomaninik cheitei 12,273 eng walutikab KCPE chekokibarasta eng konegit.

Kipsomaninik chekonyor markishek chebo kwenutab 300 akoi 400 eng tiemutikab KCPE ko 228,414 chetetat kelewen kochut County ak Extra County schools.

Kongololi yekingoborostoi walutikab KCPE,komwa Minister nebo somanet Amb.Amina Mohamed kole kileweni kipsomaninik chechutei Form One eng kasarta 1 ama konyil chechang kou ole kiuu eng tai.

Kokobarasta serkali kole chutei sukulishekab secondary kipsomaninik tugul chekoyoei tiemutikab KCPE chebo kenyini.