Hajji petition

Monday December 3, 2018 – Wendi kokonu tilet eng karon kapkirwok nebo High court kotinygei ak petition nekoikoito director nebo kirwogutik Noordin Hajji komochei afisaek chebo serkali chetindoi kirwogutik eng kapkirwok koistogei eng poisiet.

Petition inoto koikoito Hajji komuch kokerchi sang afisaekab serkali cheboto nebo ngecheret eng kipagengeit neteleljin mbarenik nebo National Land Commission (NLC) Muhammad Swazuri,Migori Governor Okoth Obado ak nebo Busia Sospeter Ojaamong chemitei kapkirwok keisiek chetinyegei ak icheget

Mochei petition inoto bo Hajji keisto eng ofis Swazuri ak afisaek alak chebo serkali cheboto gavanaek chetindoi kirwogutik eng kapkirwok agoi kekas ak ketil kirwogutichoto.

Mochei kora Hajji bunge nebo emoni koyochi wallet ngatutiet nebo Anti-Corruption and Economic Crimes Act (ACECA) ne noto kokochin afisaekab serkali chekakiteleel eng poisiet konyor kebeberiatab melekwek ak allowances chechwag kobaten mochei Hajji komatkonyor kiy agetukul afisaekchoto.