Sakaja sues city hall over matatu ban

Monday December 3, 2018 – Kakwo kapkirwok senator nebo Nairobi Johnson Sakaja komochei kapkirwok koteleleel serkalitab county nebo Nairobi komatkosuldaen ngatutiet nemokichomchin garishekab matatu kochut kwen nebo taonitab Nairobi.

Kamwa Sakaja eng kirwokonoto kole makikochi biikab emet poroindo nebo kokoito kerenywan kotomo kisuldaen ngatutionoto koboto nemakon county nebo Nairobi kebeberwek alak chenyolu kotelelen garishekchoto bo matatu.

Kabiit nito eng kasarta nekatoi eng raini serkalitab county nebo Nairobi kosuldaen ngatutiet nemokichomchin garishekab matatu kochut kwen nebo taonitab Nairobi.

Akot kou noto ko kasom gavana nebo Nairobi Mike Sonko kiprutoinik kosich muitaet eng mwaet kole kowkoutionoto kotokyingei koisto chiletabgei nebo garishek eng kwen nebo taonitab Nairobi.

Kamwa kora Sonko eng kasarta nekaitita taitab committee nebo Public Accounts and Investments eng bunge nebo senate kole wendi kopoisien county nebo Nairobi basisiek NYS asikimuten biik chetindoi kewelutik eng borwekwak koitita kwen nebo taonitab Nairobi.

Kanyor kasarta newui kiprutoinik missing ko chepoisie eng kwen nebo taonitab Nairobi kosupgei ak nekayach kobun kelyek kotokyigei kebeberwekwak chebo poisionik.

Kosupgei ak noto ko kaiyokto county nebo Nairobi asikarikchik chebo traffic eng chongindo asikoter garioshekab matatu matkochut kwen

nebo taonitab Nairobi kobaten nyolu koreek kiprutoinik eng kebeberwek chekochob county nebo Nairobi kotelelen garoshekchoto.